Ua le mafai nei ona maua e i latou e iai manaoga faapitoa le fesoasoani i feoaiga ona ua gaoia modified vans sa faamoemoe iai mo le feaveaiga o i latou faapea wheelchairs.
O modified vans nei poo taavale ua faia faapitoa lava e mafai ona faaaoga e i latou nei tauala mai le auaunaga a le Chris Ruth Centre Charitable Trust, peitai o lea foi ua toe gaoia isi van e lua.
E le o le taimi muamua lea ua gaoia ai modified vans a le Trust, e ese mai le lua na gaoia i le vaiaso faatoa uma atu o lea foi na gaoia le isi tolu i le masina o Oketopa o le tausaga talu ai.
Fai mai le sui o le pulega e le taugofie taavale nei ma ua le mafai ai ona faaauau a latou auaunaga masani mo paaga e tele ina faamoemoe atu i le Trust aemaise ai a latou lava polokalame masani.
E oo mai i le taeao nei o loo faaauau pea suesuega a leoleo i taavale gaoia nei.
