Na osofaia ma faaleaga se tasi o supamaketi i Aukilani i le vaveao analeila e le augaoi, ma mulimuli ane osofaia le fale faatau ava malosi i Wairau Valley.
O le latalata i le itula e tasi i le vaveao lea na osofaia ai e le augaoi le supamaketi a le Countdown i Lynfield, ma e fai mai le lipoti, e o atu le augaoi o la e galulue le aufaigaluega e toe faatutumu oloa i luga o fata.
I se lipoti mai leoleo, e tele oloa na o ma ave, ma o mea na faaleagaina o tioata taei ma le tele o masini cash registers.
I le itula mulimuli ane ae osofaia foi le Liquor Centre i View Road ma o le taavale lea na faaaoga e sosoa ai le faitotoa.
E oo mai i le taimi o tala fou e leai se isi ua molia i nei mataupu uma ma o loo faaauau suesuega a leoleo.
