E toaono tamaiti aoga mai le 10-15 tausaga le matutua ua feta’ua’ina mai o i latou ia na o latou gaoia se faleoloa ava malosi i Aukilani ma mulimuli ane ai lavea le van na o ane ai ina ua agai ane iai leoleo.
Fai mai le lipoti na valaau ane leoleo i le Liquorland i Howick i le tea o le 9 i le taeao o le Aso Lulu o le vaiaso nei i le mae’a lea ona ulufale faamalosi i latou ia i lea nofoaga ma gaoia nisi o aitema e aofia ai ma ava malosi.
I se pepa o faamatalaga a leoleo sa tuuina i le Newshub ua ta’ua ai o le van sa o latou faaaogaina o se van sa gaoia ma sa tulituliloa lava e le helicopter a leoleo i le vaega na agai iai ma maua ai loa i le pitonuu o Manurewa.
Ta’a e leoleo o tamaiti nei na pueina mai ai i lea nofoaga ma aveina atu ai i le vaaiga a leoleo.
O le toatolu o i latou ia na tutulai i le faamasinoga o talavou i Manukau i le aso lava lea ma le isi toatolu na toe tatala i tua ma tuuina atu i le auaunaga a le Youth Aid.
O se tasi lenei o tulaga ua avea pea ma faanoanoaga aemaise lava o le laiti o i latou ia ua aafia i nei ituaiga solitulafono.
