Ua faailoa fuafuaga a le faletutupe tutotonu a Niu Sila, lana Reserve Bank ia uma ane le tausaga e 2030 ua iai se digital currency a le malo.

O tupe nei e teumalu i luga o faiga faatekonolosi, ma o lea ua tapunia le avanoa na tatala mai faatalanoaga, ma e 18,000 finagalo faaalia e tapuni ane i le vaiaso talu ai ua faamauina.

O le naunautaiga o le faletupe o digital cash nei e taitutusa lava ma tupe pepa o loo faaaogāina nei ma o lona uiga e mafai lava ona faaaogā tusa pe motusia fesootaiga tau initeneti.

E lei manino i lipoti mai le faletupe poo le mea o loo manao ia soloiesea le faiga o loo faaaogā ai i le taimi nei le cash system, pau o lea na ona fai mai e le o faigofie ma o le mafuaaga lea o le vaavaai ai ia iai se isi faiga e tua iai.

Peitai o se fuafuaga e le o talia gofie e nisi e pei ona toe molimau ai i lipoti a le 1News i luitau o loo ui ai atunuu e pei o The Bahamas, Nigeria, Zimbabwe ma Jamaica ao faaofi mai e le malo lana digital currency.

Puna o Faamatalaga: Reserve Bank makes plans to have digital currency in place by 2030 (1news.co.nz)