E le o fiafia le toatele I le mau a le Auckland Transport e leai sau aia tatau e paka ai lau taavale I luga o le auala o loo I ou lumafale
I lalo o fuafuaga faataoto e le I pasia mo pakaga o taavale ua vaavaai ai le pulega o le a aveesea on-street parking mai auala autu e 12 ma e ono faaofi mai foi ma le totogi o park and rides
I le vaai a le Auckland Transport o luma o le auala, o auala savali, lanes mo uila ma pasi o meatotino nei e patino i femalagaiga lautele
O loo finau mai foi le sui o le pulega o auala ua vaavaai e aloaia ai tulafono o loo mananao e sui, o auala nei e moomia tele mo le felauaiga o oloa ma auaunaga, ma e sili atu lea na I lo le paka ai o taavale a aiga
Peitai mai le pulenuu o Aukilani Phil Goff ua ia faaigoaina le Auckland Transport ma ana fuafuaga “bloody arrogant” ona o lea ua faia uma nei fuafuaga e aunoa ma le faatalanoa muamua o tagata lautele
E faatoa amata tatala mai I tagata lautele le avanoa e faaali finagalo ai mai le Aso Faraile nei seia oo atu I le uluai aso o Me
