O loo iai fuafuaga a le minisita o Femalagaa’iga a Niu Sila o Erica Stanford ina ia tuuina ni proposals poo ni finagalo faaalia i le Kapeneta mo le faia vave o ni suiga i le Accredited Employer Work Visa (AEWV) i nai vaiaso o lumanai ai.

Fai mai a ia, o le vave ona faatino o ia suiga o le a paleni ai le aofai o tagata faigaluega e iai tomai i le atunuu ma ia faafetaui i le manaoga ina ia tuuina le lagolago mo latou ma ia lava mea e faatino ai.

O i latou o loo faitioina lenei taumafaiga e aofia ai le Green Party e pei ona faailoa i le lipoti, o loo mananao i le Malo ia faamuamua le toe aveese mai o le visa lea mai isi fale faigaluega, peitai fai mai Stanford, e ui o loo silasila le malo i se isi toe faatulagana o lenei scheme ae e lei faia iai se faaiuga.

O le iuga o se iloiloga na faia i le mataupu lenei e le PSC ua iloa ai e iai nisi na faatau galuega i le faiga lea ae oo mai i le atunuu ua soona faaaogā solo, o isi e lē totogia.

Fai mai le minisita o suiga o le a faia o le a faatino tai vaega ae mo le taimi nei e lē o iai se faaiuga ua faia e faamuta ai lea ituaiga visa.