E foliga mai o le taugata o le tau o taumafa i le taimi nei ua sili atu lea ona avea ma popolega mo tagata mautotogi i fale a o faaauau ai pea le taugata o le tau o le soifuaga.
Ua faailoa mai e le ofisa o fuainumera a Niu Sila, o le tau o taumafa i le atunuu ua siitia i le 12 pasene i le tausaga ma ua iai nei i se tulaga maualuga talu mai Setema 1989.
O le tau o fualaau’aina ma fualaau taumafa mata ua siitia i le 23.1 pasene, o aano o manufasi ma i’a ua siitia foi i le 9.8 pasene pe a faatusa atu ia Ianuari o le tausaga na tea nei ma tau sa iai.
Fai mai le sui o le Consumer NZ mo le uluai taimi ua sili atu ai popolega o tagata i le tau o taumafa nai lo le tau o fale.
Ua lapatai mai foi ma le Consumer NZ i tagata faatau ina ia lipoti ane ni tulaga e masalomia o loo faia ai ni faapitoa lē sa’o i totonu o supamaketi.
Na faailoa foi e le Tenancy Services ua maualuga foi le tau latou o fale mautotogi i totonu o le 6 tausaga talu ai.
Mo se faataitaiga e mai le $410 na iai ia Setema 2017, ae ua $540 ua totogi ai le fale lava lea e tasi i le masina talu ai.
