Ua folafola i le asō e le minisita o Fale, Chris Bishop e 6 isi fetuuna’iga ua faatulaga ma le faamoemoe e avanoa ane ai nisi o fanua mo fuafuaga faalautele ma fesoasoani ai i le mataupu tau fale a le atunuu.
O le uluai fetuuna’iga e pei ona faailoa e le minisita o le a faamautinoa ai e pulega o aai e 24 a Niu Sila, o loo lava fanua mo le fausia o fale.
O le isi fetuunaiga e pei ona faailoa e le televise tasi o le lē mafai lea ona faatulaga pe faatapulaa e le Council ni tuaoi tau fanua e vaoia ai taumafaiga.
O isi vaega e pei ona faailoa e aofia ai le vaavaai i apartments e laiti ane, aemaise o le aveesea o nisi vaega e faasao ai le tele o le tupe alu ma le taugata ai o fale.
Saunoa le sooupu a le Leipa i mataupu tau fale, Kieran McAnulty o fuafuaga ia a le malo e ono matagofie le tusia i luga o pepa ae o se folasaga ua lē lelei ona mafaufauina ma e lelei lava ma matagofie le faamautu o avanoa mo le faalauteleina ae se’i vagana ua folasia ane tupe mo ia fuafuaga, o le a tapulaa foi mea e mafai ona faatinoina e Pulega poo Councils.
Puna o Faamatalaga: https://www.1news.co.nz/2024/07/04/housing-minister-announces-slew-of-housing-planning-changes
