O le a maua e aiga i Kuiniselani se faamāmā avega i le tau o le eletise i lalo o se fesoasoani a le malo ua ofoina ane ai le tai afe tala mai le pili o moli.
Fai mai o sea fuafuaga o le a faaalu ai le 2.5 piliona a le malo ma o le asō na folafola ai lea tulaga e le Premier o le settee, Steven Miles a o faaauau pea ona faalogoina e tagata le taugata o le tau o le soifuaga.
Fai mai Miles sa ia folafola muamua o le a faaaogā le tala faatatau o le tupe e faailoa mai ai sea fesoasoani peitai ua tuai tele foi lea taimi ma ua lagona ua tatau loa ona faia lea folasaga.
Fai mai o le a iai se faasiliga mo le aumatutua ma i latou o iai concession cards ma maua foi se fesoasoani mo pisinisi laiti.
O loo lipotia o se rebate aupito i maualuga lea ua ofoina e se faigamalo i totonu o Ausetalia.
Puna o Faamatalaga: https://www.9news.com.au/national/queensland-energy-bill-price-relief-1000-dollar-rebate-2024-25-financial-year/fc9781cc-c471-47e6-a318-a9f43ba8987f
