O tamaiti aoga o le Iunivesite, o i latou o loo aumau i nofoaga a le Iunivesite o Aukilani ua faailoa iai e taofia le toe totogiina o le rent e amata atu i le aso 1 o Me e tali atu ai i le siitaga e 8 pasene ua faailoa ane nei, ua siitia ai le totogi o nofoaga o loo aumau ai.
O lē sa faavaeina le Students for Fair o Matthew Lee ua ia ta’ua i le Breakfast o le siitaga lea i le totogi o rent ua sili atu i lo le inflation ma le totogi taatele o iai o fale mautotogi i Aukilani Tutotonu.
Fai mai Lee o latou o tamaiti aoga fulltime ma e tatau ona alu atoa lo latou taimi i le faiga o meaaoga ae lē o le taumafai e faigaluega part time e totogi ai rent.
Sa tuuina atu se petition i le tausaga talu ai na saini ai tagata e 1,500 ina ia faia se fonotaga peitai e lei iai se tali lelei ma e foliga e lē o fia ta’utino le iunivesite o se faafitauli tele lenei ma o le ala lea o le a faia ai se solo tetee.
Fai mai se sooupu mai a le iunivesite na saini e tamaiti aoga maliega ia i nofoaga e aumau ai ma o loo latou silafia foi tau e totogi ai.
Puna o Faamatalaga: https://www.1news.co.nz/2024/04/19/auckland-uni-students-announce-rent-strike-over-fee-increase/
