O lea ua folafola mai e le premier o Vitoria o Daniel Andrews le isi 12 o Priority Primary Care centres o le a tatala i le setete pe a oo atu i le masina fou o Fepuari. 

O le 10 o ia nofoaga tutotonu o le a mafai ona faatagaina ai le bulkbilling i auaunaga tau le soifua maloloina.

Fai mai Andrews o le a avea lea ma faamama avega mo le tele o aiga aemaise i latou ua fai si faigata ona maua se fesoasoani i ni auaunaga tau le soifua maloloina e le totogia.

Fai mai le premier o le tulaga lava ia e iai afai e te gasegase e iai lau aiātatau e maua ai se fesoasoani i le tausiga o lou gasegase e le tatau ona faaalu ai se tupe ma o i tonu lea ua faatino ai lea fesoasoani.

O ofisa nei e pei ona faaalia e le premier o le a faaitiitia ai foi ma taimi e faatalitali ai i potu tigaina o falemai aemaise mo gasegase e le o tigaina tele.

Na ta’ua foi e Andrews o i tonu lava na mafua ai ona faatino le fesoasoani tau le soifua maloloina le medicare.