Ua toe folafola e le Palemia o Ausetalia, Anthony Albanese se isi paketi faamiliteli e lagolago ai Ukraine ma o lona tau e 110 miliona.
O le a auina atu foi e Ausetalia nisi taavale tau e 70 mo le militeli a Ukraine e aofia ai ma taavale faaaupegaina e 28.
E le gata i lea ae o le a aveina atu foi ma nisi o auupeg ma tuuina atu le 10 miliona i Malo Aufaatasi e fesasoani ai ia ausia manaoga o tagata i lea atunuu a o iai i lalo o osofaiga a Lusia.
Ua silia ma le 650 miliona tala Ausetalia ua mae’a ona tuuina muamua e Ausetalia mo Ukraine ma ua faailoa e le Palemia e tai fā lava masina ma ofoina fesoasoani faaopopo a Ausetalia mo Ukraine, i le masina o Ianuari o le tausaga nei na ofo ai foi e Ausetalia le isi fesoasoani o drones e oo i le 33 miliona le tau.
