O lea ua folafola mai e le faigamalo a le Soofaatasi o le a maua se tupe faaopoopo $1.7 piliona mo le tala faatatau o le tupe a le Pharmac, lona uiga ua toeititi 6.3 piliona i totonu o le fā tausaga.
Fai mai le televise tasi o le folasaga lea na faia e le minisita lagolago o le Soifua Maloloina, David Seymour i le fonotaga na faia i le taeao ananafi, le NZ Medicines Access Summit.
O le faamatalaga a le Malo o lea vaegatupe o le a fesoasoani ai i le Pharmac, le ofisa lea o le malo e latou te faia faaiuga i mea tau vailaau ma fualaau mo togafitiga e faatupe e Niu Sila.
Ta’ua e le minisita lagolago i lalo o le fuafuaga na faia e le Leipa na o latou tuuina ai le 180 miliona i le tausaga mo lea auaunaga peitai o le tau sa’o e faamautu ai le paketi a le Pharmac e silia ma le 400 miliona i le tausaga.
O le faaiuga o le vaiaso ua ta’ua na filifilia ai lē sa avea muamua ma Sui Palemia ma faipule foi i le National, Paula Bennett e taitaifono i le fono faatonu a le Pharmac.
Puna o Faamatalaga: https://www.1news.co.nz/2024/04/29/pharmac-david-seymour-announces-17b-funding-boost
