Ua folafola e le taitai o le Leipa le 2.2 piliona mo le vaega o femalagaaiga lautele I le aai o Melepone I Vitoria aemaise lava mo se sootaga foi mo nofoaafi poo trains.
O se saunoaga na faia ale taitai, Anthony Albanese I Box Hill I Melepone na ia faalauiloa ai lea tulaga pe afai ae tulai mai o ia e avea ma palemia o le atunuu pe a maea le palota o le aso 21 o le masina lenei.
O lea aofaiga tele ua folafola e le vaega faaupufai a le Leipa ua faailoa e le taitai o le a le taumate le suia ai o le aai ise tulaga matagofie. Na faailoa ai le agaga fiafia o le premier o le setete, Daniel Andrews ua faafetai I lenei poloketi sa ave iai le faamuamua a Albanese ma le Leipa
Ua faailoa foi I le lipoti o leisi vaaiga fou I trains, le rail network o le a aofia ai ma le faaaogaina o ana poo tunnels e fesootai uma ai vaega tetele o auala ile va o Doncaster ma le malae vaalele.
