Ua maea se tasi o faafitauli sa feagai ma seisi faaitu o Adelaide lea na aliae ai le faateteleina o iniseti ai fualaau aina ma iu ina taofia ai le toe feaveaiina o fualaau aina ma fualaau faisua ile va o pitonuu I Adelaide.
Ua faamaonia mai ile aso e le Matagaluega a Ausetalia o loo feagai ma le mataupu lea, le South Australia;s Dept of Primary Industries and Regions ua maea ona aveesea uma mai ia iniseti mai faaitu o Adelaide na aofia ai e pei o Ridleyton ma le itu I matu o le aai
O le sa ile feaveai o fualaau aina ma fualaau taumafa mata I Adelaide ua atoa le lua tausaga o iai pea lea sa lea ua faamuta ile aso. Fai mai e silia ma le 65 miliona le tupe a le matagaluega na faaalu ile taumafaiga o lenei mataupu ma ua faafetaia foi e le matagaluega I latou uma sa fesoasoani ile sailia o se fofo mo lenei faafitauli.
