Ua fofola mai e le malo ana fuafuaga mo aoga e unaia ai fanau e o i aoga. 

Talu mai le 2015 e telē le pa’ū o le fuainumera o fanau e aooga, ma o le sau o le Koviti na atili faateteleina ai e pei ona faamauina i le tausaga talu ai e to’atolu fanau mai le to’alima e faaauau ona o i aoga, o lona uiga e misi le aso e tasi poo le sili atu foi i totonu o le vaiaso. 

Faamauina i le tausaga ua alu e na o le 60% na ausia, ma o le sini fou ua faatū nei ia ausia le 70% o fanau e lē misi ma aoga i le tausaga e 2024, ae 75% i le 2026. 

Mai le Post Primary Teachers’ Association Melanie Webber, o loo ia talia lelei le fuafuaga ua faataatia ae moomia foi le lava tāoso o faiaoga. 

Ae mo aoga o le a lē ausia le sini ua tuuina mai, o le a iai le lagolago a le matagaluega. 

O le a faia foi faalauiloa e faamanatu ai i mātua la latou matafaioi o le faaulu ma faaauau ona ave fanau i aoga. 
O nei fuafuaga uma o loo sau mai le $88 miliona lea na faailoa mai i le paketi a le malo o lenei tausaga e unaia ma saga faaleleia ai aoaoga.