E fitu itumalo faapalota ua mae’a faamautū e ala i sainigalima ma le minisita o le ta’ita’ifono o le poloketi tasi le miliona a le malo, le faamatuuina iai o ulua’i vaegatupe ta’i 700 afe tala o le tufatufaga o le miliona lona tolu.
E ono itumalo palota i Upolu ae tasi i Savaii ua faamautū sainigalima i le amataga o lenei vaiaso, ma o itumalo palota ia e aofia ai Gagaifomauga 1, Lotofaga, Sagaga 4, Vaa o Fonoti, Faleata 2, Falealili 2, ma Anoamaa 2.
Na faaalia e le minisita o loo iai le vaaia o lea poloketi le tofa Lagaaia Ti’aitu’au Tufuga lona agaga faafetai i le tulaga ua molimauina i le asiasiga o le poloketi sa faagasolo talu ai nei i Upolu ma Savaii.
Le Minisita o loo iai le vaaia o le atina’e o le miliona mo le atina’e o itumalo faapalota e 51 o le atunuu le tofa Lagaaia Ti’aitu’au Tufuga.
O le tufatufaina o vaegatupe muamua o le miliona lona tolu, sa sainia ai foi ma fesoasoani tupe mai le Matāgaluega o Tina ma Tamaitai Atina’e o Afioaga ma Agafesoota’i ua tuuina atu i le faalapotopotoga o le Salvation Army e 23,100 tala, ma le faalapotopotoga o le Samoa Tokelau Association Recyclers.
