O loo iai le popolega o le Matāgaluega o Femalagaa’iga a Fiti, le Fijian Immigration Ministry e faatatau i tagata mai isi atunuu ua ova aso i Fiti.
I se pepa o faamatalaga mai lea ofisa ua ta’ua ai ua vaaia e le matāgaluega le to’atele o tagata faapea ma ua sa’ili galuega i le atunuu ae ua uma pemita sa tatau ona nonofo ai.
O tulafono a Fiti ua manino ai o soo se tagata mai fafo atu o le atunuu e leai se faatagana talafeagai e iai ai i le atunuu e lē mafai foi ona faafaigaluegaina.
Fai mai le Immigration e ui e moni o loo iai le mana’oga mo tagata e iai tomai i nisi o galuega o loo to’aitiiti ai tagata faigaluega, ae e tatau lava ona usita’ia tulafono tau femalagaa’iga.
Ua faailoa foi la e le Immigration o le a iai gaioiga e faia i tagata ia ua nonofo faasolitulafono i le atunuu.
Puna o Faamatalaga: https://www.rnz.co.nz/international/pacific-news/559357/foreigners-overstaying-visas-a-significant-concern-fiji-immigration-official
