Ua faamanuiaina le kamupani vaalele a le Fiji Airways i le best airline i Ausetalia ma le Pasefika.

I sauniga na faia i le vaiaso nei i Paris na faailoa mai ai le faailoga, ma o le uluai taimi foi lea ua manumalo ai le Fiji Airways i le faailoga lenei.

O le Qantas ma le Ea Niu Sila lea sa i le tulaga muamua ma le lua i le tausaga talu ai, peitai o le tausaga nei o lea ua fisi uma e le Fiji Airways.

Tuu mai foi i le Best Airline Staff poo le kamupani vaalele e aupito sili lana aufaigaluega i le Atu Pasefika, o lea na toe maua foi e le Fiji Airways ma ua fā ai tausaga sosoo o ia mauaina pea.

Fai mai le Pule Sili, e ono lē telē le Fijian Airways pe a faatusa i isi kamupani vaalele, ae e malosi lo latou loto Fiti e talimalo.

I le aotelega, o le Singapore Airlines lea na sola ma le World’s Best Airline, ma e silia ma le 20 miliona palota na fai mai ai le suesuega, sa auai ai le silia ma le 325 kamupani vaalele eseese.