Ua faailoa e nisi e aumau i le faaitu o Selwyn o le a faaauau pea ona latou finau mo o latou fale ina ua mae’a ona faailoa ane ia i latou ua tatau ona tapena ese a o lei oo i le 2039.
O le lipoti a le One News i le asō ua faailoa ai lea tulaga e faapea o le pulega faaitumalo na latou palota i le masina na te’a nei e faamautuina ai le aveesea uma o i latou o loo aumau i le Upper Selwyn Huts Settlement ona o aafiaga o le tau.
O le po ananei ua fuafua ai se fonotaga faalauaitele e faia a i latou i lea faaitu e faailoa ai finagalo i le mataupu.
Na faamatala e nisi o i latou ia i le lipoti, o nisi o tagata matutua o loo iai i lea faaitu e lē o gafatia ona faatau ni fale i se isi lava vaega o Niu Sila ma o loo taumafai e malamalama i lenei fuafuaga aemaise o le lumanai o nai a latou fanau.
O le Upper Selwyn Huts o loo i luga o eleele o le Crown ma e pulea e le Selwyn District Council.
Puna o Faamatalaga: https://www.1news.co.nz/2024/04/23/residents-fighting-eviction-order-due-to-rising-waters
