O lea ua uma le finau o Judith Collins e tatala le afuafu saoloto mo Ausetalia, ao lea ua finau mo le Pasefika
Ao vavala mai ai le tatala o le saolotoga e feoai ai I le va o Niu Sila ma Ausetalia e aunoa ma le faanofoesea I le masina fou, o lea ua toe finau le taitai o le National ua tatau ona silasila le faigamalo i atumotu Pasefika ma le tele o le aafiaga o alagatupe mai turisi
Saunoa Collins o lea ua tusa ma le tausaga e leai se komiuniti case I Fiti, ao Samoa ma Toga e leai
I le vaavaai lava ia na o Samoa ma lona tamaoaiga, o lea na pau I le 8.6% I le 12 masina talu ai faamaea ia Setema o le 2020, ma o le tele o lea aafiaga o le gau mai le leai o ni turisi
I le taimi nei o lea ua mafai ona ulufale mai tagata Niue ma le Atu Kuki I totonu o Niu Sila e aunoa ma le tau faanofoesea, ma ua saunoa ai Collins ua tatau ona faalautele lea saolotoga mo isi vaega o le Pasefika aemaise lava o lea e matuai moomia le fesoasoani I galuega faavaitaimi I totonu o Niu Sila
Ao talanoa ai I le saolotoga mo femalagaiga, o le aso lea e fofola ai I luma o le kapeneta le ripoti atoa o fuafuaga mo le tatalaina o le feoai saoloto ma Ausetalia
