O loo filo atu ai ma le 9 tausaga i le gaoiina o faleoloa lea e lei mamao atu.
O se faamaoniga nei mai le minisita o leoleo, Mark Mitchell, a o faasolo pea suesuega a leoleo ua ta’ua o le Operation Dusk lea e faapitoa i osofaiga e taulai i pisinisi i totonu o nofoaga faatau poo malls.
I osofaiga e lei mamao atu ua faamaonia ai e le minisita o loo iai fanau i le va o le 9 ma le 14 tausaga.
O le faleoloa a le Michael Hill Jewellers lea o loo tele ina osofaia e le augaoi ma ta’ua e le minisita ia Mitchell o lea o loo ofi mai ai ma sui o kegi i le tele o osofaiga nei, lea o loo faaaogāina tupulaga talavou e faia.
Na saunoa le minisita e iai maketi o loo toe faatau atu ai e i latou nei le tele o mea gaoi, a leai o le toe susunu faatoa toe faatau ese atu ai.
E lē o silafia e le minisita poo ai lea o loo faatau atu iai.
O le osofaiga lata mai o le gaoiina lea o le Glitter Jewellers i Manurewa i Saute o Aukilani, lea e lē atoa se minute ae ua gaoia le tusa ma le $1 miliona o auro ma penina lea na tupu i le aso malolo o le ANZAC Day a o le a tapuni.
Puna o Faamatalaga: Police Minister Mark Mitchell says children between 9 and 14 involved in recent spate of jewellery store robberies – NZ Herald
