O Brad Weber ma Sam Cane lea ua filifilia e avea ma kapeteni o le ‘au a le Chiefs mo le super rugby o le tausaga nei e pei ona faamaonia mai e le faiaoga o le au Clayton McMillan. 

Fai mai Cane e alofa i lana ‘au ma e lelei tele foi le la sootaga ma Weber i tausaga e tele ua taaalo ai i le kalapu ma o se faaaloalo maualuga foi le toe filifilia i le tofiga i lenei tausaga.

E talitonu foi Weber ua sauni le Chiefs e finau mo le manumaloina o le taamilosaga.

E amata le taamilosaga a le Chiefs i le fetauiga ma le Crusaders i Kalaiesetete i le aso 24 o le masina nei.