Ua filifilia e le faiaoga a le Moana Pasifika Faalogo Tana Umaga ia le tama e faafā ona manumalo i le siamupini o le taamilosaga o le Supa Lakapi i le aulakapi a le Crusders ia Sione Havili Talitui, o se tama e taitaia lana ‘au i le taaloga ma le Fijian Drua i le faasologa e lua o le taamilosaga o le Supa Lakapi Pasifika o le 2024.
Faaalia e Faalogo, o Talitui o se filifiliga sa faigofie ona faia e suitulaga ai i le kapeteni, le sui o le Manu Samoa o James Lay lea o loo faamanu’alia.
O le Moana Pasifika o le a faatauseu ma le Fijian Drua i Melepone i le po a taeao, i le na o le 12 ‘au e taaalo ai i le Aso Faraile, Aso Toonai ma le Aso Sa i lea lava malae.
Faaalia e Faalogo, ona o Talitui sa avea muamua ma siamupini i le ‘au a le Crusaders ma lona malamalama o loo iai, o le a iai se agaga lelei i le ‘au.
O Talatui, sa avea ma tama taalo autu mo le ‘au a Tonga i le taamilosaga i le Ipu o le Lalolagi ma tutu faatasi ai ma tama taaalo i autafa o le sikalamu pito sili ona lelei i le lalolagi.
