Search
Search

Filifilia se tasi o alo o le atunuu e avea ma faiaoga i le Iunivesite o Harvard i Cambridge Massachusetts Amerika

O se amataga fou mo Dr Therese Lautua, ina ua filifilia o ia e avea ma faiaoga i se tasi o Iunivesite iloga i Amerika, o le Harvard University.   

Ua faamauina i se pepa o faamatalaga, na ta’ua ai e lea tamaitai, sa lilo i ona manatu o le a maua sona avanoa e galue ai mo lea Iunivesite.   

O le tamaitai o Therese e 31 tausaga le matua o lona soifua, ma e mai afioaga o Lalomanu, Poutasi, Amaile, ma Samusu.

Na ia ta’ua sa mauaina se faasalalauga o le avanoa faafaiaoga i luga o le itulau poo le upega tafailagi a le Native American and Indigenous Studies Association.

E māua o le polokalame lenei e latou te vaavaai i sui e pei o le tamaitai o Therese, o ē ua maoa’e taumafaiga ia latou galuega aemaise tulaga faafaiaoga i itu ma tomai faapitoa.  

Ina ua fesiligia Therese e tusa ai ma lona agai atu i le isi itu o le lalolagi, na ia ta’ua o se avanoa lelei lenei e faalauaitele ai le malamalamaga o ia atunuu tetele i tagata Pasefika ma o latou tomai faapitoa. 

Na faasoa Therese, o se avanoa foi lea e faalauaitele ai lona iloa ma ana galuega suesue, aemaise o lona fesoasoani atu i tupulaga talavou.  

O Therese ua faauuina le tikeri, ma ua faauuina foi lona doctorate ma o le a faimalaga atu nei ma si ona aiga ma le la fanau i Amerika. 

O le a galue o ia i le College Fellow in Indigenous Religion i le Iunivesite o Harvard.

Tala sili ona faitaulia

SAMOA UPDATE

PODCAST

Listen on

TALA FOU MAI SAMOA

FAATALATALANOAGA

POLOKALAME A LEOLEO

Keep uptodate with Radio Samoa activity & promotion

* indicates required