I le 23 tausaga o galue le susuga Nanai Sovala Agaiava i auaunaga eseese a matagaluega a lo tatou Malo, o lea ua filifilia lea tamalii o le atunuu mai le toatele o tagata na talosaga mai le Pasefika e na te tauave le tofiga pule lagolago o le ofisa o mataupu tau i le atinaeina o auaunaga tau femalagaa’iga a le Pasefika le Pacific Immigration Development Community.
O lona tomai ma agavaa i galuega tau femalagaa’iga a o avea ma ofisa sili lagolago o le Matagaluega a le Palemia ma le Kapeneta e aofia ai ma femalagaa’iga, ua talafeagai ma fetaui ma lona filifilia e avea ma pule lagolago o le ofisa o le atinae o auaunaga tau femalagaaa’iga a le Pasefika o loo i Apia.
E 4 tausaga o galue o ia o se ofisa sili lagolago i le Matagaluega a le Palemia ma le Kapeneta, a o lei see atu i lana galuega fou.
