Ua filifilia le Pule Sili a Gore, poo le itumalo na iloga ona malomaloā le feeseeseai o lona Pulenuu ma lē sa avea ma Pule Sili.

O Deborah Lascelles lea ua filifilia nei e suitulaga ia Stephen Parry, ma o ia foi o le tagata lona tolu i totonu o le 35 tausaga ua seei mai i lenei tofiga.

O Deborah sa galue o se tasi o sui o le pulega a le South Waikato District Council ma sa ia tauavea mai foi isi tulaga tofi sinia i Councils a Hamilton ma Waipa.

I se saunoaga a le Pulenuu talavou o Gore, Ben Bell, o se fiafiaga le tofia o Deborah ma e lē masalosalo o se tasi e talafeagai lelei e suia Parry lea ua 22 tausaga o avea ma Pule Sili.