O se mitamitaga mo tagatanuu o Samoa le maua ai o faamatalaga le filifilia ai o se tasi o alo tamaitai Samoa e avea ma sui o le Komiti Faatonu o le GAMMA MMA (Mixed Martial Arts).
Ma ua avea ai lea alo o Samoa ma uluai tamaitai ua filifilia i se tofiga o se taitai.
Ta’ua foi i faamatalaga i luga o upega tafailagi ua na o le pau lea o se sui mai le Itulagi (Oceania) ua seei mai i totonu o le komiti.
Faaalia le agaga faagaeetia o le tamaitai ia Inna Leniu mo lenei avanoa ua ia mauaina, ma ia faasoa mai o le a ia faaaogāina lenei avanoa e atiae ai le taaloga i lenei Itulagi (Oceania) ma faaauau galuega lelei a ē na mua i malae i le faatinoina o lenei taaaloga o le MMA.
