Ua faalauiloa mai e le faalapotopotoga o le taaloga siisii uamea mamafa a Samoa le filifilia ai o se tasi o tamafanau a le atunuu ua maualuga lona tulaga i le taaloga siisii uamea mamafa, le susuga Don Opeloge, e na te tauaveina le tagavai poo le fu’a o Samoa le flag bearer i le tatalaina o taaloga a le Olimipeka i Farani.

O le faai’uga o le vaiaso asau le aso 26 o Iulai ua faatulaga e tatala ai ia taaloga a le lalolagi, ma o Don Opeloge o le a taimua i le solo a le autaalo filifilia a Samoa ma ia tauaveina ai le tagavai o le atunuu i le taimi o le solo a autaaalo eseese mai atunuu o le lalolagi.