Ua silia i le 20 itumalo palota ua maea ona faamautu o latou ofisa mo fono faavae o le poloketi o le tasi le miliona tala, ma ua maea ona tatala ma ua faaaoga.
Peitai e leai se itumalo palota ua tatala o latou ofisa tutotonu ua faamatuuina iai lea vaega tupe tele e tusa o lea fuafuaga tau atiina a’e a le Malo mo le manuia o tagata o itumalo faapalota e 51.
Ua faailoa e le Minisita o le Matagaluega o Tina ma Tamaitai Atinae o afioaga ma Aga Fesoota’i o loo vaaia le poloketi, o le taimi e maea ona tuuina uma atu ai lipoti o le faaaogaina o le lua selau afe na muamua faamatuu mo le fausia ma le tapenaina o ofisa tutotonu o fono faavae, atoa ai ma le tuuina atu o le lipoti o le su’eina o tupe ua faaaoga ma tupe o loo totoe mai le 200 afe, ona faato’a faamatuu loa lea o le miliona.
Ae o le faaaogaina o le miliona tala na faaalia e le Minisita le afioga Leota Laki Lamositele Sio, e pule le itumalo ma e le nao faatoaga e faaalu ai lea seleni tele.
Se faatalanoaga ma le Minisita o Tina ma Tamaitai Atinae o Afioaga ma Aga Fesootai o loo vaaia le poloketi o le tasi le miliona, afioga Leota Laki Lamositele Sio.
