O lē sa avea ma faualuuluga o le AFL i tausaga ua tuanai o Gillon McLachlan ua filifilia nei e avea ma ofisa sili o le Tabcorp. Lipotia i le alaaata 9 i le asō o le a amata Gillon i lona tofiga fou ia Aokuso, ma e $1.5 miliona le totogi, faaopoopo iai ma ponesi.
Fai mai le sui o le Tabcorp ole filifilia o Gillon o se tulaga faatuatuaina lea i le lumanai o le kamupani auā e iai lona malamalamaaga i taaloga, tuuga ma petipetiga, afai la ae tuufaatasi e ono telē se siitaga o tupe maua a le AFL i lalo o lana auaunaga.
E lata i le 10 tausaga na pule ai Gillon i le AFL i le tofiga ofisa sili ma o le tausaga na tea nei na faatoa faasee ese ai , o le a sui tulaga ia Adam Rytenskild na agai ese ma le tofiga ia Mati ona o aafiaga o le suesuega sa aofia ai i tuuaiga o le faia o faamatalaga lē talafeagai.
Puna o Faamatalaga: https://www.9news.com.au/national/gillon-mclachlan-appointed-new-tabcorp-managing-director/c451dfb5-7721-4122-aa47-32f80ee9fc01
