E le’i palotaina le tofi faipule o Faleata 2 i le faigā filifiliga aoao a le atunuu ia Aokuso ona o se faai’uga a le faamasinoga, ma o le māfua’aga lea na ave ai le tusi talosaga a Salāmatua Russell Young Yen, o se tgata palota o lea itumalo mo le tofi ta’ita’ifono o le Fono Faavae a Faleata 2.
O lona talitonuga sa tatau ona tatala le avanoa i tagata palota o le itumalo e talosaga ai peita’i sa teena lana talosaga ona o le aiaiga e na o sui faipule na manumālō i le palota ma sui sa tauva ae e le’i manuia.
O Salāmatua Russell e iai ona aafiaga tumau, e na te faaaogā se nofoa faataavalevale, ae o se tagata e finau e pei ona sa iai lona faamoemoe e tauva i le palota tele o le 2021, ae sa toe faamaui lona manao i lana faamatalaga sa sa’ili malo i lona tapua’i ae sema sona avanoa i se isi taimi ua talafeagai ai.
Se finagalo o le susuga Salāmatua Russell Young Yen i se faatalanoaga.
O le vaiaso fou ua fuafua e tatau ona faamautū ai tofiga ta’ita’ifono o Fono Faavae mo le faafoeina o le poloketi miliona tālā a le malo.
