O le a iai suiga i tax thresholds peitai e le o le taimi lenei.

O le maualuga faatapulaa lea o lafoga totogi a tagata Niu Sila e fua i tupe maua ua fai mai Chris Hipkins ua moomia le sui, peitai e le o se suiga o le taimi nei.

O le lauga a le Palemia ua sau ai i le mae’a fai mai o le paketi e le o toe mamao ona faailoa mai lea e le o sau ai capital gains tax, wealth tax poo se cyclone levy.

E pei ona fofoga atu tala o ananafi o lea ua aumai lipoti o loo faamaonia ai e tele atu lafoga totogi a tagata e feololo tupe maua na i lo le aumilionea a Niu Sila, ma ua saunoa ai Hipkins ua tatau ona faia se suiga e toe faamanuia ai i tagata Niu Sila o loo galulue malosi ona o lea ua maua nei e lē tutusa uma tagata i le tax system o loo iai a le atunuu.

O le mea moni a o faaopoopo ai totogi poo tupe maua a tagata o le ono sui foi lea o le pasene o lafoga e totogi, peitai o lea lava foi e mili ma le taugata o le soifuaga.

E lei mamao atu na saunoa ai le Palemia i le mataupu lava lenei e tasi, o le toe fetuunai o tax thresholds e ono faaitiitia ai tupe maua a le malo mai lafoga ma aafia ai ma ana tupe faaalu.