O lea ua taofia mo se taimi le tumau trains o loo felauaia uta i le va o Aukilani ma Ueligitone mafua ona ua leaga le auala train.
O le aoauli ananafi na so’a ai e se tasi o taavale le train o loo tauavea le uta container ma e le gata na sipa ese ai le train mai lona auala ae ua faaleagaina ai foi ma le auala train.
Mai le pulega a le KiwiRail o le aoauli o le aso o loo talia ai le masini na te toe faaleleia ma fesiita’i le train ia toe saofa’i i lona auala.
E oo mai i le taimi o tala fou e le o mautinoa le taimi e toe tatala ai le laina lea i le va o Aukilani ma Ueligitone, seia vagana ai trains o loo feaveaia uta i le va o Tauranga, Hamilton ma Aukilani o loo tatala pea.
