Ua lipotia mai nei le oo mai o faamatalaga mai pisinisi tau suāuu ma le penisini, ua fautuaina ai avetaavale uma i le ono vaaia ai o le amata pa’ū teisi i lalo o tau o le penisini e amata atu i le vaiaso o lumana’i nei; e ui o loo faaalia e nisi o avetaavale e faaaogāina le tiso o latou popolega i le ono oo atu i le $4 i le lita le tau o le tiso.
I ripoti mai le leitio faavaomalo a Niu Sila, na faaalia ai o nei faamatalaga na afua mai le faalauiloa ai e Amerika o le taofia ai o le taua ma Iran, ma ua latou vaaia ai o le pa’ū ai o le tau o suāuu.
O se tala ua faailo ai lagona fiafia o le faauluuluga o le Waitomo Group Simon Parham; na ia ta’ua o se tala lelei lea mo le tulaga o le tau o penisini mo tagata lautele.
Faaopoopo Parham ona o ia fuafuaga o le a vaaia se tulaga o le faamāmāavega i tagata lautele i le aga’i atu ai i pamu penisini.
Faamanino foi e Simon Parham e pau le tulaga o le faafaigatā o le tau o le tiso, o le a faaumiumi se taimi faato’ā vaaia le ono pa’ū ai o lona tau, ae e malosi lona taofi e lē oo atu i luga i le $4 i le lita e pei e iai popolega o le to’atele.
Ina ua fesiligia e le leitio faavaomalo a Niu Sila avetaavale i lea matāupu na faaalia ai manatu o le to’atele, e sili ai le suia o taavale e alu i le tiso aga’i i taavale e alu i le penisini.
O nisi ua faaalia pe lē tatau ai foi ona galulue mai i le fale.
Ua faaalia foi ona o tulaga o le maua ai o faamatalaga i nisi o pamu o loo faatauina ai le tiso mo le $3.99 i le lita, ae mo loli tetele ua oo atu lava i le $4.20 i le lita i faaitu o Bay of Plenty faapea Waikato.
Ae i nisi o faamatalaga, ua ta’ua ai o Newton lava ia o loo latou faamauina e lē ono vaaia ai le pa’ū e pei ona faaalia e nisi o itumalo o Niu Sila.
Puna o Faamatalaga: https://www.rnz.co.nz/news/national/591830/relief-at-the-petrol-pump-on-the-way-fuel-industry-says
