O le maualuga o le tulaga ua iai le polokalame o tinā nofotane o loo faafoe e le faalapotopotoga o le Toomaga mo ē Puapuagatia, ua aapa atu ai lima agalelei ma le alofa o le ofisa o le malo o Peletania i Samoa ma fesoasoani, e faatau meafaigaluega e faaaogā i le amataina o pisinisi a tinā nofotane o lea polokalame ua maua ai seleni e tausi ma fesoasoani ai i aiga o ia tinā o le atunuu.
E 25 afe tālā le vaegātupe ua foa’i e le ofisa o le Komesina Maualuga o Peletania i Apia e faatino ai lana fesoasoani.
