Ua fesoasoani le Malo tele o Amerika e tauala mai i le ofisa o lea Malo i Samoa e ala i se foai ua tuusa’o i le Matagaluega o A’oga Taaloga ma Aganuu.
O lea foai o nofoa ma laulau mo se vaega o le faletusi faamanatu o Nelesoni i Apia ua faapitoa mo le fanau a’oga e faaleleia ai le faitau tusi. Ua foai ai foi e lea Malo le 16 afe tala i le matagaluega mo nisi galuega e saga opogi ma lagolago ai le faaaogāina o le faletusi mo le unaia o le faitau tusi i se vaega o lea faletusi ua faaigoaina o le American corner.
Ua iai le faamoemoe o lea Malo e faalautele atu lana fesoasoani mo alo ma fanau i le motu o Savaii.
