E tele miliona o le cost of living package ua faailoa e le Palemia o le a tuuina mai e fesoasoani i aiga e maualalo le tupe maua.
O le fesoasoani lenei o le a sui ai le aofai o tupe maua e tatau ona maua e le aiga faatoa agavaa i pre ma after school care.
O Aperila o le tausaga fou o le a amata maua ai lea fesoasoani ma e faapea e tusa ma e latalata i le $190 miliona e faatupe ai i totonu o le 4 tausaga.
O se fesoasoani o le a faaopoopo ai le isi 10,000 o fanau e ese ai le faaopoopoga o fesoasoani mo fanau o loo agavaa iai i le taimi nei.
E ese mai i childcare subsidy, o le a faaopoopo foi mai ia Aperila o le tausaga fou tupe o loo maua e matua mo fanau mai le Inland Revenue poo le Working for Families.
O le Best Start foi o loo maua e pepe fou o le a faaopoopo le isi $4 i le vaiaso.
O fesoasoani faaopoopo a le malo ua ta’ua na fofoga mai ai e Jacinda Ardern a o iai le pati a le Labour i lana koneferenisi i Manukau i Aukilani i le faaiuga o le vaiaso.
