E $2 miliona lea ua faailoa mai e le malo o le a faamatuu mai e saga faaleleia ai le a’oa’oina o le mataupu matematika.
O le fesoasoani lenei mo le Vasega 7 ma le 8, ma e amata i le tausaga fou.
O lenei faata’ita’iga poo le trial o le a faaaogā ai kulupu ma faia vasega online ta’i ‘afa itula, e faafā i le vaiaso mo le tamaitiiti e to’atasi.
Afai ae manuia lenei faata’ita’iga o le a fua loa iai lona faaauauina.
E ese mai i vasega nei, o lea foi ua faailoa mai e le minisita o a’oga, Erica Stanford o le a faamatuu mai le isi $30 miliona mo puna’oa auā a’oga tulagalua uma.
O fesoasoani nei a le malo ua faailoa mai a o sauni atu e amatalia le curriculum poo mataupu a’oa’oina o le matematika i totonu o a’oga tulagalua uma i Niu Sila i le tausaga fou, poo le curriculum lenei e tutusa ai ma atunuu e iai Ausetalia faapea Singapore.
Puna o Faamatalaina: Govt announces $2m funding for trial of catch-up maths lessons | RNZ News
