Talu mai ona sau i tua le tala o le a alu le vāea a le TVNZ, e lē o nofonofo lelei le aufaigaluega.
O le vaiaso talu ai na fai mai le ofisa faasalalau e oo atu i le 68 tagata faigaluega o le a vāea ma o le a motusia foi nisi o ana polokalame.
O se fuafuaga ua mae’a ona palota iai sui o le aufaigaluega o loo i lalo o le iuni a le E Tu ma teena.
Mai le sui o le iuni, Michael Wood, e lē o iai se avanoa e nonofo ai i lalo ma talanoa ma le aufaigaluega ae na ona fai mai lava o le a motusia polokalame.
O le talosaga e tauala mai le iuni o le taofia o fuafuaga o le vāea ua faailoa mai ae toe fetuutuunai.
Na lipotia e le leitio a Niu Sila o lea ua tauaao e le pulega a le TVNZ le tusi a le iuni na tuuina atu iai ananafi ma o loo vaavaai nei iai.
