Ua mae’a feiloa’i le Palemia o Niu Sila Christopher Luxon ma le Palemia o Initia, ma o puipuiga tau militeli lea na mua’i lipotia mai le feiloa’iga anapo, taimi Niu Sila.
O le saunoaga a le Palemia o Initia, Narendra Modi, o lea o le a galulue faatasi atunuu e lua i itu tau a’oa’oga, femalagaa’iga faapea le tetee atu i faiga faaterorisi.
O lea foi na oo talanoaga i itu tau taaloga faapea faato’aga o fualaau’aina, ma molimau ai le minisita o vaomatua ma fefaataua’iga a Niu Sila, Todd McClay, o le kiwifruit lea e muamua penefiti i lenei maliega.
A o le’i oo talanoaga a ta’ita’i o malo e lua i vaega eseese nei, o lea na mua’i faailo mai e le minisita ia Todd McClay ananafi, ua amata talanoaga i le maliega lenei o loo una’i malosi e Niu Sila, ia sa’oloto fefaataua’iga i le va o atunuu e lua.
O loo totoe ai aso e lua o le aumalaga a Niu Sila i Initia, ae le’i toe taliu mai.
Puna o Faamatalaga: Luxon meets with Modi in India: ‘We believe in policies of development’ | RNZ News
