Ua saunoa manino le Palemia o le atunuu i le autusitala i le asō i le mae’a o le la fonotaga ma le Pulenuu o Aukilani o Wayne Brown ma le ofisa sili o le Auckland Business Chamber Simon Bridges, e le fia vaai i se tulaga e vaaia ai le siitia o pili totogi a tagata Niu Sila.
Fai mai Ardern o le faatolu ai lea ona fono ma le Pulenuu fou ma ua ia faailoa atu iai e aoga le feiloai o minisita autu i vaega o auaunaga e pei o felauaiga, fale ma le siosiomaga faatasi ma sui o le council ma ia galulue faatasi mo le lelei o tagata Aukilani.
Ta’ua e le Palemia o se tasi o vaega tele mo le faigamalo e aofia ai le faalava lelei o fale i Aukilani ia faamautu o loo lelei ma mafanafana nofoaga e aumau ai tagata ma ia faamautinoa e le o siitia rates e totogi e tagata ona o le lē faaleleia o mea i le siosiomaga.
