O le faatalanoaga a le alii Palemia ma le komesina o leoleo ma le au tusitala i le taeao analeila i Ueligitone ua faailoa ai e le komesina ua maitauina lava le faatetele o le tulaga lea o le naunau o le au solitulafono e faaaoga auupega faasaga i leoleo ma o le polokalame fou o le a amatalia o le a maua ai seisi fesoasoani i lea mataupu. 

Na faailoa e Andrew Coster o le faia o aoaoga ma toleniga i le polokalame lea o le a fesoasoani tele lea i malu o le malo.

O auaunaga e pei o le taofiina o taavale poo ni taavale foi se tele o se tasi lea o tulaga faigata tele ma lamatia ai soifua o leoleo.

Sa saunoa le Palemia e uiga i le mataupu ia Stuart Nash le alii minisita o leoleo lea ua faamalolo mai ona tofi minisita uma ma ia faailoa i le autusitala o le a tuu i le faitalia a Nash pe faaauau pea ona fia tulai mo lona itumalo.