O le asō ua atofaina ai le fonotaga a le kapeneta aoao poo le national cabinet ma o loo faatalitalia ai nisi fetuunaiga i le mataupu i auaunaga faalesoifua maloloina i Ausetalia.
O premiers ma minisita na muai taunuu i le nofoaga mo le fonotaga i Canberra i le po anapo ma o le asō ua amata ai talanoaga.
O loo talitonuina o se tasi o mataupu tāua ua talanoaina e aofia ai le faaitiitia o fomai lautele GPs, faaopopo pea o tupe totogi e gasegase ona o mea totogi, atoa ai ma le mamafa o le avega o loo tauave e falemai lautele, public hospitals.
E le taumate o le a tau fai unai uma taitai o setete mo ni fesoasoani tau tupe faaopopo mai le faigamalo a Ausetalia atoa ai ma suiga tetele mo faletalavai.
I lalo o se fuafuaga o le a faatalanoa ma le Palemia Anthony Albanese o le a tuuina ai le malosiaga i pharmacist e mafai ai ona latou tuuina ane ma fautuaina fualaau ma vailaau mo togafitiga mo gasegase taatele o lona uiga e le na o GPs le nofoaga e mafai ona maua ai e gasegase se fesoasoani i ia ituaiga gasegase.
E le taumate foi o le a iai ma se suiga i le medicare ma o le a faalauiloa foi se iuga o ia talanoaga pe a mae’a fuafuaga uma o lea feiloaiga i le asō.
