O le a manaomia faamalu ma tulaga tau le puipuiga mai timuga mo Aukilani i le faaiuga o le vaiaso nei e pei ona faailoa e le vaaitau, e fai lava si mamafa o timuga ma se vaega vaivai o uiga o le tau ua faatulaga mo lea vaega o le atunuu.
Ua faamatuu mai e le vaaitau lapataiga o timuga mamafa mo Aukilani, Northland ma Coromandel ma o loo lapataia foi i matagi malolosi.
Fai mai o se vaega vaivai o uiga o le tau o loo faatupulaia ane i le itu i Saute o Niu Kaletonia ma agai mālie ane i luga o Niu Sila.
E fautuaina tagata ia fai ma siaki lipoti o tala o le tau mo fuafuaga i le agai atu i le weekend.
