O le asō ua fautuaina ai tagata e aumau i Sini i matagi malolosi ma to faata’uta’u o le a aafia ai e ono to’ulu ai laau ma faaleagaina ai uaea eletise.

O tulaga faaletonu o le tau o le a aafia tele ai le Eastcoast o NSW mai le Illawara agai i Sini ma le Hunter region.

Faailoa e le vaaitau o uiga loulouā o le tau lea sa maitauina na faaleagaina le tele o mea i Vitoria i le vaiaso talu ai ua aga’i mālie ane i NSW ma ua fautuaina o matagi e ono oo atu i le 100 mita i le itula le malolosi i le aoauli.

Ua iai ma le fautuaga mai le SES ina ia tuu i lalo laau poo lālālaau e ono aafia ai se soifua ma faamanatu ai foi i tagata o le vevela ua iai le ea ma le malolosi o matagi e ono faasā ai ona toe tutuina se afi i le tele o vaega o Sini ma le Illawara.

O loo fautuaina le faasolo ina vevela o aso o lenei vaiaso ma ua amata vaaia foi le sasao ane o afi i togavao ina ua amata sui foi le tau i Ausetalia.

Puna o Faamatalaga: https://www.9news.com.au/national/sydney-weather-nsw-urged-to-prepare-for-strong-winds-as-fire-ban-announced/26f48365-51b7-4093-a683-02dfe3194582