Ua ave le fautuaga ma se lapataiga a le Fofoga Fetalai i le taitai o le itu agai le tofa Lauofo Fonotoe Pierre Lauofo Meredith, ina ia tausisia tulaga mamalu o le Palemene ma faaaloalo foi i le Fono Aoao.
E mafua i se faatalanoaga a le taitai o le Itu agai, ma se tusitala i le vaiaso na tea nei.
Na tomua galuega a le Palemene i le Aso Gafua i lea fautuaga a le Fofoga o le Fono ma ia faailoa ai mafuaaga o le talanoaina o lipoti a komiti faapalemene sa iloiloina lipoti faaletausaga a matagaluega ma faalapotopotoga a le Malo, e pei o i tonu na mafua ai se fesili a le tusitala i le taitai o le Itu agai, ua lē aogā le taimi e talanoa ai i ia lipoti a komiti faapalemene.
O ni vaega o le finagalo o le taitai o le Itu agai, ma se vaega o le folasaga a le Fofoga Fetalai susuga Papalii Li’o Oloipola Ta’eu Masipa’u.
