Ua unaia le au faitaavale ina ia sauni ma tapena mo faigamalaga i luga o alatetele ina ua toe lapataia foi le aai o Aukilani e ono aafia foi i nisi uiga louloua o le tau i le agai atu i le faaiuga o le vaiaso.
O le Metservice, le vaaitau ua o latou faailoa o se uiga vaivai o uiga o le tau e ono avea ma afā ma aafia ai gataifale o Niu Sila i nai aso o lumanai ai.
Fai mai afai ae pasi latalata ane ia vaega louloua o le tau i le North Island o lona uiga o le a tele foi se aafiaga i nisi o vaega o le aai aemaise faaitu o lea foi e lei leva nei ona aafia i lologa.
Ua fautuaina ai tagata ina ia silasila totoa foi i ia tulaga ma tapena agai iai ma ia lava foi le taimi e faimalaga ai.
O loo lipotia o se afā e ono afua ane i le Coral Sea i le va lea o Niu Kaletonia ma Ausetalia.
