E lua falemai faaitumalo ua o latou lipotia le faatupulaia pea o le upuia ma le sauaina o tagata faigaluega I nofoaga o loo faia ai suega ole koviti poo testing centres.
Ua talosagaina e pulega o falemai faaitumalo mai Hutt Valley ma Capital and coast le atunuu ina ia lava le onosai ina ua maea ona aliae ni lipoti I uiga le manuia ua faaali e nisi I le aufaigaluega I nofoaga e pei ona taua.
Fai mai Junior Ulu o le sui mai le pulega o ia auaunaga e malamalama ile tulaga faigata ma le taufaamatau o loo iai nei le faamai mo le toatele o tagata peitai o loo galulue le aufaigaluega I le mafai e gata ai ina ia faatino le auaunaga mae e talafeagai ona faailoa foi iai le faaaloalo ma le alofa ao taumafai I latou e faatino o latou tiute.
Saunoa Ulu ile lipoti a le One News o ituaiga uiga faapea e le gata ina le lelei mo le aufaigaluega ae faapea foi mo le mamalu o le atunuu o loo silasila iai i tulaga faapea.
I le mataupu I rapid antigen test ua faaalia e falemai faaitumalo o loo galulue nei mo le tuuina atu o rapid antigen tests nei peitai o loo feagai pea ma ituaiga uiga le manuia.
