O loo iai se lapataiga o se wave lona lima o le Koviti-19 i Aotearoa e pei ona lapataia mai e se tasi o epidemiologist.
Ua ta’ua i lipoti a le leitio faavaomalo a Niu Sila pe ā ma le 6,558 cases fou o le Koviti-19 i le vaiaso talu ai.
E toa 48 scouts sa auai i se polokalame e vaiaso atoa o le Jamboree i Hamilton ua lipotia na maua uma i le koviti.
Saunoa Prof Michael Baker ua fai si toatele o tagata ua taofia i le falemai i le faaiuga o le tausaga na tea nei ma o le mea moni e tatau lava ona faaeteete tagata aemaise i faapotopotoga tetele o tagata.
Saunoa foi le alii polofesa o tagata matutua o loo telē le avanoa e vave ona aafia ai i le faamai ma ua maua foi i faamaumauga se vaega tele o tagata matutua e silia ma le tai 75 tausaga le matutua ua agai atu mo togafitiga i falemai.
